![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Sekretari i Përgjithshëm i PD, Gazment Bardhi ka publikuar të hënën një video në rrjetet sociale, ku pretendon se Tom Doshi caktoi kandidaten e PS në Shkodër.
Përmes Facebook, Bardhi thotë se Rama dhe Doshi kanë një bashkëpunim të pandërprerë.
POSTIMI I BARDHIT:
Edi Rama ia ka dhënë të gjitha pushtetet në dorë Tom Doshit në Shkodër. Ai kontrollon gjithçka: Çdo tender, çdo emërim, çdo kandidim. Siç e konfirmon dhe vetë në këtë video, është ai që ka zgjedhur edhe kandidaten e PS për bashkinë e Shkodrës.
Edhe pse i shpallur non grata nga SHBA, Edi Rama po bashkëpunon ngushtë me Tom Doshin, duke e emëruar atë de fakto si shefi politik dhe drejtuesi i fushatës së kandidates së PS në Shkodër.
A ka poshtërim më të madh për socialistët shkodranë që kandidaten t’jua caktojë Tom Doshi?
Por në 6 mars shkodranët do votojnë me dashni per Shkodren, do votojne Partinë Demokratike, do zgjedhin Xhemal Bushatin si kryetarin e ri të bashkisë!